JEJEG

Lakon Besutan

JEJEG

Karya Moh. Qowiyuddin Shofi

Para Pemain:

BESUT	Hakim Agung
RUSMINI	Kekasih Besut/ jaksa pembela
MAN GONDO	Pelapor terdakwah
SUMO GAMBAR	Jaksa Penuntut
MBAH DARMAJINAH	Terdakwah
ORANG-ORANG	Para hadirin di ruang sidang

BABAK I

ADEGAN I

Beriringan dengan alunan musik, Besut dalam keadaan mata terpejam mengikuti arah api obor hingga Besut menemukan titik panas dan mematikan api obor dengan susur yang ada dimulutnya, seiring dengan mematikan api terbukalah mata Besut.

BESUT

Uhuuuu... (penonton menjawab ‘Lheeerrrr’)

(Dilakukan berulang-ulang sebagai bentuk uluk salam pembuka dari Besut. Slanjutnya besut menyapa penonton dan kemudian Besut ngidung)

Sekar Bujang Sewu Bejo

Seng Kumayangan Paman

Seng Kumayangan...(jawab)

Ngajak Liyan Selari

Oleh Limbangan Paman

Kaliman Mawon.... (jawab)

Ser Koser.....

Mbang-Kumbang.... (jawab)

Prahu Kenter

Gak Ditambang.... (jawab)

Disambang

Sabu E Ilang.... (jawab)

Ser koser Ayo Mampir Menyang Jombang

Nek Nang Jombang Mampiro Sengon Lemah geneng Akeh Wedine

Nek Gak Sambang Kirimo Ingon Nek Gak Seneng Piyemestine

Gerdu Papak Parimono Embong Bleduk Dalanan Plandi

Ibu Bapak Aku Idenono Dulinan Ludruk Nyenengno Ati

Yupainten Ketiban Cendelo Cukup Semanten Kidungan Kulo

Oalah dulur. Sumpek rasane atiku. Ngurusi perkoro akeh sak bendino. Kadang cepet marine, kadang yo suwe marine.

Oh yo dulur. Ceritane sakiki aku dadi hakim agung seng tugase nentokno hukumane terdakwah. Kadang yo angel dulur ngedepi perkoro-perkoro seng kebenerane gak jelas. Opo maneh nek musoh pengacara cerewet. Uh, gawe utek sumpek. Mentolo ngaploki. Paribasane dulur, Pak lurah sekele mlencet kenek eri. Kenek eri nang ngisore wit juwet. Pengacara sakiki ngecebrete gak tau keri, seng kedaden perkoro tambah ruwet.

Wes mboh dulur. Ancene Pengacara sakiki lueh belo seng bayar dari pada seng bener.

(Setelah lama besut nudo roso, rumsini datang dengan perasaan yang kacau)

RUSMINI

Caaaaak. Cak Beeesut caaaak.

Rusmini memanggil dari luar panggung.

Caaaaak. Cak Beeesut.

BESUT

Lha iku lak suarane dek Rusmini se. Kekasihku. Pujaanku. My beloved cibi-cibi. Ah. Saatnya brai cekne ganteng.

Ia dek Rusmini. Kakang is here. Kakang is menunggu you are! Ndang coming. . .

Oho. Tak dilek disek ae. Biar jadi kejutan buat dindaku Rusmini. Hehe

Besut bersembunyi

(Rusmini masuk)

RUSMINI

Cak Besut.Ehm... cak. Cak besut. (dengan muka merengut)

BESUT

Onok opo dek. Tak sawang-sawang kok sampean wajahe lesu. Ibarate dek, ngelus dodo kanggo ngilangi lorone. sampean dino iki bedo gak koyok biasane.

RUSMINI

Penyanyi kidung cak jogete jek kaku. Aku bingung cak ambek perkoro nang omahku.

BESUT

Lho emangeonok opo dindaku?

RUSMINI

Aku enek masalah seng gawat cak. Gawate wes tingkat provinsi iki cak.

BESUT

Mecah klopo nganggo ganden, Masalah opo kok sajake wes salah kedaden?

RUSMINI

Ealah cak. Iki masalahe man Gondo.

BESUT

Lho. Enek opo ambek man Gondo?

RUSMINI

Man Gondo nuntut mbah Darmajinah nang penjara. Soale man Gondo gak trimo gedhange dicolong mbah Daramajinah.

BESUT

Lho. Kok sampek koyok ngunu. Emange Mbah Darmajinah nyolong gedhange man Gondo pirang bok?

RUSMINI

Gak onok sak bok cak. Mbah Darmajinah mek jukuk sak buah tok. Iku ae jukuk seng rutuhan.

BESUT

Lha trus lhakok man Gondo tego nuntut? Padahal yo goro-goro perkoro ngunu tok. Mbok yo dianggep amal ae.

RUSMINI

Yo mboh cak. Aku yo wes ngelengno. Ojok kenemenen. Wong yo sitok tok ae lho seng dijukok. Gak bakal ngentekno liane. Tapi tetep ae man Gondo gak trimo. Jarene iku wes ngrusak pemasukan pabrik gethuk gedhange. Iku wes termasuk pencurian meskipun seng dijukok gedhang rutuhan. Masalahe gedhange jek nang area perkebunane cak. Lha iki aku njalok tolong sampean. Jelase sampean engkok seng nyekel melakune sidang. Dadi keputusan seng paling digawe yo keputusane sampean. Tulungen mbah Darmajinah. Aku gak tego cak. Ngesakno.

BESUT

Kiro-kiro sampean eroh a dek motife mbah Darmajinah jikok gedhang?

RUSMINI

Yo mboh cak. Aku maeng kaget eroh kabar iku. Dadi langsung nemui sampean cak. Tulungen cak yo. Mbah Darmajinah iku wes sepoh. Nguripi putune siji seng ditinggal wong tuwane dadi TKW. Aku gak tego. Tulungeeeen cak.

BESUT

Dek, masalah belo mbah Darmajinah,meskipun aku seng nyekel, aku tetep gak oleh nentokno keputusan sak penakku dewe. Kudu sesuai undang-undang hukum dek. Nek ndilok perkorone mbah Darmajinah, yow ancene mbah Darmajinah salah. Wes eroh duduk barange kok dijokok. Tapi man Gondo yo kenemenen. Perkoro cilik ngeneki gak semestine digedekno koyok ngene. Sakmestine diselsekno ambek roso kekeluargaan.

RUSMINI

Yo mosok sampean gak isok nulong cak?

BESUT

Wes, ngene ae. Ayo nang man Gondo. Tak omongane dewe wonge. Mugo-mugo ae isok adem atine lan akhire nyepuro mbah Darmajinah.

Besut dan Rusmini pergi ke rumah man Gondo

ADEGAN II

Man Gondo menggerutu kesal karena pisangnya telah dicuri.

MAN GONDO

Oalah. Negoro iki suwe-suwe tambah rusak. Sengciliki nyolong. Seng enom nyolong. Seng tuwek yo nyolong. Kabeh wong wes pinter nyolongan. Gak nang pasar. Nang bank. Nang gedung. Nang kebon. Nang istana. Nang nggon ndi wae wes bek wong nyolongan.

Perkoro gedhangku seng dicolong ambek mbah Darmajinah, bukane aku gak nduwe welas. Tapi aku negakno hukum cekne gak dibaleni maneh. Iki yo sebagai contoh. Lhanek tak jarno, engkok bakal ditiru liyane. Lak yo tambah nemen engkok. Paribasane, adus kumkum gak gawe opo-opo, hukum iku gak mandeng sopo lan opo.

Endi iki Sumo Gambar. Kok gorong merene-merene.

SUMO GAMBAR

Mit amit amit amit aaaamiiit (Sumo Gmabr masuk)

Iwak cumcum nang jero sumor, asalamualaikum dulooorrrr.

Perkenalkan, saya Sumo Gambar. Sang pengacara handal. Sudah menyelesaikan beberapa kasus. Dan sekarang balik ke kampung halaman, untuk membantu man Gondo menyelesaikan kasusnya.

MAN GONDO

Nang endi ae Mo?

SUMO GAMBAR

Sepurane man. Maeng macet nang jero pesawat.

MAN GONDO

Mosok pesawat rutene enek macet barang?

SUMO GAMBAR

Lho. Sampean gak tahu numpak pesawat se. Mangkane gak tahu ngerti model macete piye. Yok opo kabare man?

MAN GONDO

Gak usah takok kabar-kabaran barang. Langsung ae. Piye. Awakmu?Wes nyiapno sembarang kalere ta Mo?

SUMO GAMBAR

Uwes donk man. Segala pasal sudah terkumpulkan untuk menjebloskan si pencuri ke tahanan. Tapi man, kok sampean tego njeblosno mbah Dramajinah. Iku lak tonggo dewe man.

MAN GONDO

Asline Mo, enek perkoro lione seng garai aku nglakoni iki.

SUMO GAMBAR

Opo man?

MAN GONDO

Aku iki lak pengen nggedhekno lahan kebon gedhangku se Mo. Lha kebetulan lahanku nang jejere tanahe Mbah Darmajinah. Akhire tanahe mbah Darmajinah tak towo. Cekne isok gae nyaur utang lan biayai urepe. Tapi wonge gak gelem. Alasane tanah iku tanah wasiat turun temurun seng gak bakal didol mbasio utange numpok. Aku dadi mangkel se Mo. Soale aku gak isok nggedhekno lahan kebonku.Gak isok ngembangno bisnisku. Nah, untung ae onok kejadian iki. Tak manfaatno gae ngakali mbah Darmajinah. Dadi nek isokMo, tuntutane rupakno dendo seng wonge gak bakal isok nyaur. Lha, nek gak isok nyaur yo gantine dipenjara. Aku yakin wonge gak bakal gelem dipenjara soale bingung lan kuwatir sopo seng bakalan jogo cucune nang omah. Akhire dalan terakhire yo ngedol tanahe. Ngunu Mo. Ngerti karepku se? (tidak disadari, dan Besut Rusmini sudah mendengar intrik dari man Gondo)

SUMO GAMBAR

Oh. Ngunu ta man. Beres man. Seng penting jok lali yo man. Nek aku berhasil, dek rusmini tak rabie yo?

MAN GONDO

Koen kok seng mok pikir rabi ae. Kasusku iki lho pikiren. Gak eroh ta? Musohmu engkok Besut. Areke seng dadi hakim agung. Jelas areke mbelo mbah Darmajinah soale Rusmini sakiki madol nang Besut.

SUMO GAMBAR

Alah man. Besut pengalamane jek cetek. Kapasitase jek sebatas kelas pedesaan lokal. Bedo ambek Sumo Gambar. Bertahun-tahun melalang buana di Ibu Kota. Menyelesaikan banyak perkara tanpa masalah.

MAN GONDO

Koyok pegadaian ae Mo.

SUMO GAMBAR

Ancene pegadaian man. Seng digadekno ambek hukum iku duwek. Tapi berhubung sampean dewe seng jalok, gadeane rupakno cintane dek rusmini ae.

MAN GONDO

Iyo iyo. Tenang. Beres.

Besut dan Rusmini masuk dengan tiba-tiban dan mengagetkan Man Gondo dan Sumo Gambar

RUSMINI

Oalah maaan. Ngunu ta ternyata seng gawe sampean tego. Cekne tanahe mbah Darmajinah gelem didol, sampean ngelakoni perkoro iki. Nuntot mbah Darmajinah. Ojok ngawor man. Rusmini isin duwe paman koyok sampean.

SUMO GAMBAR

E e e e.. dek Rusmini. Lama tidak berjumpa. Sekarang tambah seger ya sampean. Rinduku sudah terlalu banyak untukmu.

RUSMINI

Lapo Gam? Gak sudi aku rindu karo awakmu.

MAN GONDO

Heh Rus. Iki lak yo gawe suksese bisnisku se. Nek aku sukses, awakmu yo melok kecipratan.

RUSMINI

Gak patek’en aku man. Gak sudi lhanek carane koyok ngene.

MAN GONDO

Rus. Seng dilakoni mbah Darmajinah iku wes salah lan aku pantes nuntut wonge. Nek gak ngene,maling iku gak enek seng wedi.

RUSMINI

Tapi niat asline sampean duduk iku man.

BESUT

Man Gondo. Aku gak nyongko. Opo gak isok diomongne apik-apik. Paling mbah Darmajinah yo nganggepe gedhang seng rotoh iku gak kanggo. Masalah tanah seng gagal sampean tuku, sampean kudu legowo. Ojok kemalan kedunyan. Malah dadi wuto mripate sampean man. Akhire dadi koyok ngene.

MAN GONDO

Gak isok Sut. Koen ate mbelo model yok opo? Wes jelas mbah Darmajinah iku salah. Wajib dihukum.

BESUT

Piro se man regone gedhang seng dijukok. Ki tak ijoli.

MAN GONDO

Gak isok Sut. Aku iki ngekeki contoh kanggo wong-wong. Lhanek nyolong iku gak apik. Meskipun colongane cilik. Soale perkoro seng gedhe iku mulaine tekok seng cilik.

RUSMINI

Tapi man..

MAN GONDO

Wes Rus. Aku iki wes nekakno Sumo Gambar gae dadi jaksa penuntutku. Awakmu gak usah melok-melok.

SUMO GAMBAR(membisik)

Man, jok lali omongno kesepakatane awak dewe man.

MAN GONDO

Iyo-iyo. Masa alah. Pengacara kok nafsune gedhe.

Kepada Rusmini

Siji maneh. Awakmu bakal tak jodohno ambek Sumo Gambar.

RUSMINI

Nda lapo se man. Kok sampean asal maen jodokno aku. Emoh aku man. Gak sudi. Aku cintae ambek cak Besut kok.

MAN GONDO

Lho Rus. Sumo Gambar sakiki iku wes sukses. Dadi pengacara gaek. Awakmu bakalan urep sejahtera. Ora koyok Besut. Dadi Hakim lokalan. Orderan yo jarang. Urepmu wes jelas bakal gerangsang. Mangan gak enek seng didang. Akhire mati sikele mekangkang.

RUSMINI

Pokoke Rusmini emoh.

SUMO GAMBAR

Sampean kudu gelem Rus. Soale man Gondo wes kadong janji nek aku isok jeblosno malinge nang penjara, sampean bakal dadi milikku.

RUSMINI

Lho man. Iyo ta? Kok tego e sampean man.

Kepada Sumo Gambar

Gak. Awakmu gak bakalan menang. Cak Besut bakalan belo Mbah Darmajinah. Lan aku bakal dadi jaksa pembela mbah Darmajinah seng ngelawan awakmu.

SUMO GAMBAR

Gak bakalan Rus. Besut iku yo ngerti hukum. Awakmu yo gak bakal menang. Wong salah iku gak isok dibelo. Wes jelas enek nang pasale lhanek mbah Darmajinah iku wes termasuk maling. Gak ngunua Sut.

Besut diam saja.

RUSMINI

Cak. Kok meneng ae se?

BESUT

Iyo Rus. Sabar. Aku yo miker iki.

Kepada Sumo Gambar

Sumo Gambar. Awakmu kok yo tego. Mbah Darmajinah lak yo koncone mbahmu biyen se. Kok tego awakmu.

SUMO GAMBAR

Mbahku wes mati. Gak usah ngomongne wonge. Gak apik. Lagian aku ini pengacara profesional dadi yo kudu bersikap profesional. Sut, asline awakmu bingung soale gak nduwe coro gae belo mbah Darmajinah se? Wes jelas. Ki pasal-pasal wes tak tulis kabeh gae jerat mbah Darmajinah. Mbah Darmajinah iku maling.

RUSMINI

Gak. Diloken ae. Niatmu ambek man Gondo asline gak kanggo ngekeki contoh, tapi enek niat liyo. Yo iku nguasai tanahe mbah Darmajinah. Iku niat elek. Niat elek gak bakal iso menang.

SUMO GAMBAR

Lhanek menang yokopo?

RUSMINI

Nek mene awakmu menang, aku siap dadi bojomu meskipun kepeksan lan asline gak kolu. Tapi nek aku menang. Awakmu jok nyedeki aku maneh lan awakmu kudu mandek dadi pengacara. Soale pengacara koyok awakmu iku malah gae ruwet. Bener isok jerat maling cilik, tapi awakmu gak isok jerat maling gedhe. Malah ngelindungi maling-maling gedhe.

Kepada Besut

Cak. Aku percoyo karo sampean. Meski secara akal mbah Darmajinah salah, tapi atimugak merem cak. Tulungen mbah Darmajinah. Demi aku. Bantuen aku berjuan sebagai jaksa pembela.

BESUT

Aku gak eroh dek. Bingung.

SUMO GAMBAR

Hahaha. Diloken Rus. Besut ae gak isok lapo-lapo. Sut. Koen iku hakim. Penegak hukum. Kudu seng adil. Objektif. Gak oleh subjektif. Opo onoke pkoke.

RUSMINI

Cak. Piye iki cak. Aku moh mbah Darmajinah dipenjara. Aku moh kawen ambek Sumo Gambar. Aku emoh pisah karo sampean. Aku emoh pengacara dapurane koyok ngene jek terus urep. Aku emoh cak. Emoh. Tulungen.

SUMO GAMBAR

Wes talah. Diloken ae mene. Hukum bakal jejeg.

Besut terdiam dan lampu mati

BABAK II

ADEGAN I

Di ruangannya, Besut sedang merenung memikirkan perkara yang harus ia selesaikan sembari membawa buku pedoman hukum.

BESUT

Doh pengeran.Opo seng kudu tak lakoni. Aku gak tego ambek mbah Darmajinah. Tapi ancene pasal-pasal nang kene nyatakno mbah Darmajinah iku salah. Man Gondo yo ngunu. Kok yo tego. Aku puleh bengong. Ate nyalahno mbah Darmajinah yo gak tego. Ate mbelo yo jelas disalahno Sumo Gambar seng wes nyekel pasal-pasal kuat gae jerat mbah Darmajinah. Aku iki hakim. Kudu ngomong opo onoke. Tapi perkoro iki bener-bener nyudutno aku. Duh dek Rusmini. Aku kudu piye? Niatane man Gondo seng ate nguasai tanahe mbah Darmajinah ancene wes garakno perkoro iki wujud. Aku kudu isok ngendalekne. Tapi aku bingung piye carane. Lueh apik aku tak topo. Jalok petunjuk nang seng Moho Kuoso. Sebab gak enek seng lueh adil selain keadilane Gusti Pengeran.

Duh Gusti. Panjenengan siji-sijine dzat seng adil. Paringaken kulo pitudoh dhamel negakaken keadilan ten alam ciptane panjenengan. Yoiku keadilan seng jejeg.

Besut memejamkan mata. Bertapa meminta petunjuk ke sang Maha Kuasa.

BABAK III

ADEGAN I

Di ruang sidang. Besut sudah bersiap di depan para hadirin sebagai hakim agung. Sumo Gambar selaku jaksa penuntuk sudah tidak sabar melontarkan pasal-pasal untuk menjerat mbah Darmajinah yang tertunduk melas ketakutan.

SUMO GAMBAR

Begini pak hakim. Apa yang telah diperbuat oleh terdakwah ini sangatlah tidak patut untuk dibiarkan. Sebab ini bisa menjadi contoh yang tidak baik. Dan sesuai dengan pasal-pasal yang saya bacakan berdasarkan tindakan yang telah diperbuatnya, saya kira itu sudah cukup membuktikan kesalahannya. Dan disini juga telah hadir beberapa saksi yang diantaranya adalah pemilik kebun pisang tersebut. Bapak Gondo atau yang akrab dipanggil man Gondo. Singkat kata. Saya selaku jaksa penuntut menuntut terdakwah dengan tuntutan berupa denda sebesar 1 juta rupiah karena telah mencuri buah pisang milik PT. Gethuk Pisang Raja. Jika terdakwah tidak mampu membayar, maka terdakwah harus dipenjara selama sekurang-kurangnya setengah tahun. Tuntutan saya ini sesuai dengan pasal-pasal terlampir di berkas yang hakim bawa sekarang. Terima kasih.

BESUT

Kepada jaksa pembela. Silahkan sampaikan pembelaan anda.

RUSMINI

Terima kasih pak hakim. Maaf sebelumnya kepada jaksa penuntut umum dan korban yang terhormat. Menurut saya tuntutan jaksa penuntut umum terlalu berlebihan. Pelaku hanya mengambil sebuah pisang saja dan itupun tidak dari pohonnya melainkan buah yang telah jatuh dari pohonnya. Jadi pelaku tidak mencuri.

SUMO GAMBAR

Tapi pisangnya masih berada di area perkebunan dan apa memang dibenarkan pak hakim jika kita boleh mengambil maupun menemukan sesuatu yang bukan milik kita? Apakah itu dibenarkan?

RUSMINI

Tapi itu hanya satu buah pisang. Kalo mencuri, terdakwah pasti mengambil banyak. Tapi kenyataannya tidak. Karena memang terdakwah tidak mencuri.

SUMO GAMBAR

Itu tetap mencuri. Tidak peduli berapa banyak jumlahnya.

BESUT

Harap kedua jaksa tenang. Saya sudah dapat menangkap apa maksud anda anda sekalian.

Kepada mbah Darmajinah

Kepada terdakwah. Apa ada yang ingin anda sampaikan sebelum saya membacakan keputusannya?

MBAH DARMAJINAH

Ampun hakim. Ampun. Saya minta maaf. Terutama kepada pak Gondo dan rekan-rekannya yang merasa saya rugikan. Ampuni saya. Saya tidak punya pilihan apa-apa. Saya mengambil pisang yang jatuh itu karena saya sedang kebingungan mau memberi makan apa untuk cucu saya yang sedang kelaparan di rumah. Dengan nekat saya ambil pisang itu. Tapi saya hanya mengambil reruntuhan dan itu hanya satu. Maafkan saya pak hakim. Siapa nanti yang akan merawat cucu saya nantinya jika saya dipenjara? Uang 10 ribu saja tidak ada, bagaimana saya bisa membayar denda sebesar itu sedangkan hutang-hutang saya sudah sangat menumpuk pak hakim. Ampuni saya. (dengan menangis)

SUMO GAMBAR

Jangan dengarkan dia pak hakim. Sekali maling tetap maling. Hakim harus berani tegas memutuskan kesalahannya agar menjadi contoh bagi yang lain dan tidak akan ada lagi yang berani berbuat semacam ini lagi.

RUSMINI

Intrupsi. Saya keberatan pak hakim. Pembicaraan jaksa penuntut terlalu mempengaruhi keputusan pak hakim.

BESUT

Intrupsi diterima. Harap jaksa penuntut tenang. Kepada terdakwah. Apa ada yang ingin disampaikan lagi.

MBAH DARMAJINAH

Maafkan saya pak hakim. Maafkan saya. Ampuni saya. (menangis memohono)

BESUT

(dengan lirih ke arah mbah Darmajinah) Maafkan saya mbah. Saya tidak dapat berbuat banyak. Hukum tetaplah hukum. Jadi saya mohon maaf. Anda tetap akan saya hukum.

Kepada hadirin

Baik. Berdasarkan beberapa bukti dan saksi. Serta melalui beberapa pertimbangan dari berkas pelapor, maka dengan ini saya nyatakan bahwa saudara yang bernama Darmajinah dinyatakan bersalah atas kasus pencurian dan akan dikenai hukum berupa uang denda sebesar 1 juta rupiah. Dan jika tidak mampu membayar maka akan dipenjara selama setengah tahun. (palu dikedok)

RUSMINI

Keberatan pak hakim. Apa pak hakim tidak dapat melihat ketidakberdayaan terdakwah.

SUMO GAMBAR

Intrupsi pak hakim. Omongan jaksa pembela terlalu tidak sopan dan tidak menghormati hukum.

BESUT

Kepada jaksa pembela. Keputusan ini sudah sesuai dengan berkas-berkas yang telah tervaliditas. Jadi harap anda dapat menerimanya.

RUSMINI

Tego sampean cak. Tego.

Besut menghela nafas. Mbah Darmajinah menangis dipelukan Rusmini. Sementara Sumo Gambar, man Gondo, dan para hadirin pengikutnya tersenyum gembira atas kemenangannya. Namun di tengah-tengah kegembiraan itu, Besut melepas songkoknya dan meletakkan uang 100 ribu rupiah di dalamnya lalu berbicara dan membuat keadaan menjadi diam.

BESUT

Satu hal lagi. Ada yang belum saya sampaikan dan ini sangat penting. Berdasarkan undang-undang perlindungan rakyat miskin maka dengana ini saya menyatakan bahwa kita semua yang hadir di sini juga dihukum dengan sangsi denda. Karena sebagai warga negara yang baik, kita telah membiarkan seorang nenek tua dan cucunya kelaparan sampai mereka nekat mencuri sebuah pisang. Maka dengan ini saya nyatakan semua yang hadir di ruang sidang ini dikenakan sangsi denda sebesar 100 ribu rupiah. Keputusan saya ini juga telah tertulis dalam undang-undang. Dan dengan in saya nyatakan sidang ditutup. (palu digedok)

Kepada Rusmini

Kepada jaksa pembela, kumpulkan uang denda para hadirin dan berikan kepada terdakwah.

SUMO GAMBAR

Opo-opoan iki Sut? Tekok endi dalane awakmu isok nuntut perkoro seng nggak dadi pembahasan nang sidang sakiki.

BESUT

Sumo gambar. Jejegno hukum iku gak usah ngenteni dijadwal. Malah garai kakean penundaan gak jelas. Paribasane, onok wong loro moto berobat nang Parimono. Nek onok perkoro seng gak bener nang ngarep moto, yo ndang langsung dimarekno.

SUMO GAMBAR

Tapi aku gak trimo Sut. Awakmu dadi hakim wes sak karepe dewe. Koen bermain dengan hukum.

BESUT

Aku memang bermain dengan hukum Mo. Tapi aku ora mempermainkan hukum. Aku bermain dengan hukum kanggo ngendek niatanmu ambek man Gondo seng gak becik. Sak mestine awakmu sadar. Lan diloken. Opo seng tak putusno maeng gak sesuai ambek hukum undang-undang seng mok pelajari?

SUMO GAMBAR

Tapi aku tetep gak trimo Sut. Kok sak penake dewe awakmu dendo wong kabeh seng nang kene. Hadirin nang kene enek seng gak ngerti opo-opo tentang masalah iki, malah mok koen melok-melok bayar. Opo wong-wong bakal nerimo hukuman dendomu?

BESUT

Iku wes kewajiban Mo. Kewajiban sebagai warga yang melindungi warga lain seng ora mampu. aku yo kenek dendo. kabeh yo kenek dendo. Opo salahe se Mo. Sakiki tak takoni kabeh seng nang kene. Mbah Darmajinah memang salah lan wes kenek jeratan hukum. Sakiki opo sampean kabeh seng nang kene termasuk aku, yo gak salah? Soale wes ngejarno wong seng kesusahan, keleson, bingung ngekeki mangan cucune sampek nekat nyolong. Lan colongane yo gak sepiro. Coba renungno kabeh. Opo awak dewe ora salah? Wes sakmestine awak dewe sadar. Hukum iku jeru artine. Ora cethek. Dadi ojok titik-titik langsung main hukam-hukum.

Kepada Man Gondo yang saat itu sudah tertunduk malu

Terus sampean man. Opo karepe sampean asline? Ngembangno lahan gak kudu golek seng idek. Nek idek-idekan gak enek, yo golek seng kenek, mbasio talah nggone adohan ambek lahan asline.

MAN GONDO

Yo karepku lak idek cekne gampang ngramute Sut.

BESUT

Aku lak wes ngomong man. Ojok kemalan kedunyan. Iku dadekno sampean wuto. Lali sembarang kaler.

Kepada Sumo Gambar yang masih terlihat tidak terima

Terus awakmu Mo. Awakmu iki pengacara. Ojok ngelek-ngeleki citrane pengacara. Pengacara iku gak mek asal belo klayen tok. Tapi yo mbelo seng sak mestine pantes dibelo. Yo iki seng dadekno hukum gak imbang nang negoro iki. Soale pengacarane gak serius negakno keadilan. Seng dipikerno segala macem coro cekne menang lan iso oleh imbalan.

Kepad Rusmini

Wes Rus. Ndang dilumpokno duweke wong-wong

Rusmini mengumpulkan uang dari para hadirin termasuk uang man Gondo yang kala itu tertunduk malu lalu memberikan uang yang terkumpul 1 juta 500 ribu itu ke mbah Darmajinah. Namun, diantaranya hanya Sumo Gambar yang tidak bersedia.

BESUT

Mbah. Sakiki sampean wes saget bayar duek dendoane sak yuto. Sisane sampean pek, gawe mangan cucu sampean.

MBAH DARMAJINAH

Matur suwon Sut. Terima kasih. Mbah gak ngerti arep ngomong opo. Matur suwon.

BESUT

Kepada man Gondo dan Sumo Gambar

Man, Mo. Aku wes jalakno kewajibanku seng sampean karepno. Yoiku negakno keadilan opo onoke. Mbah Darmajinah wes tak hukum lan wonge wes isok bayar hukumane. Sakiki karek ngenteni. Sampean wes sadar ambek kelakuane sampean ta durong.

MAN GONDO

Iyo Sut. Aku wes sadar. Aku salah Sut.

Kepada mbah Darmajinah

Mbah, sepuroen aku yo.

MBAH DARMAJINAH

Aku yo jalok sepuro yo pak.

BESUT

Wes mari kan? Ngene lak dadine enak se.

RUSMINI

Gurong mari cak. Aku ngenteni omongane Sumo Gambar. Kok sajake jek gak terimo.

BESUT

Mo Sumo. Opo seng jek mok gak trimoi?

SUMO GAMBAR

Aku gak trimo. Tetep gak trimo. Lek pancene ngunu, sakiki koen kudu siap-siap. Aku pengacara gedhe. Gak trimo enek coro macem ngene. Aku balek nuntot awakmu soale wes ngawor dadi hakim. Kasusmu iku penyelewengan tugas hakim. Siap-siap koen Sut. Siap-siap. Koen tak tuntut. Hukum bakal jejeg.

SELESAI

2013